Sang ikaw ang akon nakita,
Nag-untat ang libot sang duta
Kag akon gid nga nanotaran
Ikaw gid lamang ang makit- an
Naurungan yadto nga tini-on
Sang magtabo ang panulok naton
Kag sadtong ikaw na ang magyuhom
Pwerte ang kalipay nga naangkon
Apang ikaw may ara nga iban
Ini ang akon man nga nahangpan
Apang balatyagon ‘di mapunggan
Ikaw ang ginasinggit sang dughan
Daw sa ginasaksak ‘ning corazon
Paghigugma ko nga labaw-donggon
Wala gid sini may makatupong
Gahulat nga ikaw ang maangkon
San-o bala ina nga tini-on
Ako na ang nagatalangison
O toto, tani imo batyagon
Nga ako, ang imo nga ulipon.
No comments:
Post a Comment