Sang ako ang makalabay sap arte kabukiran
Sa maanyag nga lugar, ginhingalanan nga Aklan
Isa ka eskwelahan ang akon nasiplatan
Bodega kung tulukon daw sa pinabay-an
Mataas nga parte ini ang ginakahimtangan
Gain makita mo gid kung imu malabayan
Ang kaluluoy nga sitwasyon sining buluthuan
Imbes na pintura, puros tuktok ang makit- an
Dugangan pa nga kasi-ot ang palibot sini
Haum haum ko malapit ini sa Dengue
Tetanus naman ang mangin resulta sang tuktuk
Indi ina malikawan bangud mga bata sa palibot
Kung pagaobserbahan ang palibot didto
Indi mo mahambal nga pobre ya mga tawo
Bangud makita mo s aporma kag istruktuura sang balay
Sa kadakuon kag kanamion nagapaindisanay
Ang ginatumod ko nga problema, indi lang sa buluthuan
Kundi ang kaayuhan sang kabataan
Di bala may hurubaton ,kita nga namat- an
“ Prevention is better than cured” kun sa English imitlang
Ini nga panaysayon kabay nga makapabalikid
Ginapangabay ko mga aklanon ang pag- amlig
Ang buluthuan, lugar nga ginahalinan sang kinaalam
Nga magamit ta s aikaayo sang kadam- an
Ano ang mangin pulos sang pagbalik- balik sang kabataan
Kung ang buluthuan, rason sang sakit kag kadisgrasyahan
Suno sa amun nga mga natun- an
Ang palibot, may daku nga bahin sa kinaalam
Kung sa mga pulitiko gawasi kamo kwarta sa bulang o casino
Kuntani mawaslikan man ang mga buluthuan nga pampubliko
Makabulig pa kamo sa bwasdamlag sang mga tawo
Basi sila pa ang makaresolbar sa problema sang Pilipino
Asta nalang diri ang akon sinulatan
Kabay maulikid man ining mga buluthuan
Nga gakinahanglan sang kagamitan kag kaayuhan
Agud indi man maulihi kag mabutang sa ital- ital ang mga kabataan
