Basura

Basura
Katulad ng basura. ako ay itinapon ng aking totoong magulang. Ngunit mayroon tayong kasabihan na sa bawat basura ay may nakatagong kayamanan, at iyon ang aking ipinagmamalaki, sapagkat, narito sa aking mga kamay ang kumikinang na Diploma....ang Diploma mula sa isang Ibinasura.

Friday, April 22, 2011

KULANG ANG KINAALAM

balay bululngan
pigado manggaranon nagakinahanglan
isa ka hospital ang akon nga ginsayuhan
suplada nga nurse ang akon nasugat- an

Abril 20, 2011 alas diyes trenta’y kuwatro
ako ang nagsulod  sa emergency room
pasing al nga “MAANO KA” ang akon nabatian
dala saka padalom nga pagtulok sa akon

sinabat ko ini nga
“MAPACHECK-UP TANI KAY GINALAGOB AKO”
sinabat ako sang suplada nga nurse
“TI INDI NALANG KAMI MANYAGA EH NO?”

maayo bala ini nga pagsabat sa isa ka gakinahanglan?
balay bululngan ang akon ginkadtuan indi isa ka mansyon nga ginharian
diin na ang inyo nga mga tinun an sa buluthuan
matood propesyunal ka apang daw wala tinun-an ang imu batasan.

ginapanawagan ko ang mga tagdumalahan sang mga buluthuan
ang tanan nga mga propesyunal sa inyo nagagikan
kulang ang paghakot sang mga produkto nga mga maalam
kinahanglan man nga may mayad nga paminatasan.

maestro, nurse, doctor, pulis o ano pa man
tanan sila halin sa buluthuan
tanan sila magalingkod sa mga pumuluyo
tanan sila magaatubang sa nari sari nga mga tawo.

ano ang pulos sang kinaalam
kung bastos naman ang batasan?
daw kaangay ka lang sang isa ka estatwa sa kahigaran
manami lantawon apang indi man mapuslan

kuntani mabatian ini sang mga natungdan
kag tani ang maaksyunan
simple man lang ang akon ginapanawagan
mayad nga paminatasan, sa ikaayo sang tanan.

HULAT- HULAT LANG ANAY

Nag-umpisa ang gilinamu kay Estrada
mahatag kuno si Gloria ka reporma
apang hello Garci ang nabatian ta
kaso kay Arroyo ginbasura

natapos ang termino ni Gloria
apang ang kaso wala sultada
bumulos ining si Aquino
sumalo sang namantsahan nga gobyerno

masobra isa ka dekada nga linta ang nagdumala
pagabuslan sang bag-o nga pigura
wala pa isa ka tuig nga pagpamuno
ginahura hura na sang pumuluyo

mga pinalangga ko nga mga kauturan
ang pagtinlo sang gobyerno malayo sa pagtinlo sang ugsaran
indi ini madala sa isa lang ka panilhigan
kag indi man ini isa ka obra nga pakyawan.

panumdumon man kuntani naton
ginapalitikan man ang pagbuya sang desisyon
indi mahapos magpanubo ka mga presyo ka balaklon
bangud madamu pa ina nga proseso nga pagaatubangon

ang tanan nga kasulhayan nagaagi sa pagpenitensya
gani antos lang ta anay samtang ang pagbag o nagaumpisa
imbes nga hura-huraon ta ang aton nga pangulo
himakas lang ta anay kag ipanghayhay ang mga reklamo

imbes nga magrally kita kag magsinggitan sa karsada
pagpananom na lang kamu sang puno nga magkapamilya
ang global warming aton pa nga mapagaran
kag init sang ulo ang mabugnawan.

sa paghura hura ta sa mga nagadumala
nagadugay ang tini-on sa pag atubang sa mayor nga problema
kulang ang anom ka tuig sa pagtinlo sang namantsahan nga gobyerno
kag kun magsagad ta reklamo basi tapos dekada pa ang pagbag-o

hulat hulat lang anay mga kaabyanan
maabot gid na ang kasulhayan
iyuhom-yuhom lang anay ang mga palaligban
agud magmag-an man ang kapigaduhon nga nabatyagan.