Sugod sang maghugpa ning balatyagon
Di ko mahangpan ining kaugalingon
Kung ano ang akon pagahimuon
Likawan ko bala ini, ukon batunon
Apang nahadlok ining taguiposoon
Sa pagbaton sang gugma nga pulong
Tunok ang ginbilin sini sa balatyagon
Nga handurawon ko tubtob kamatayon
Isa ka tinuga ang akon nasugata
Nagpabutyag sang iya paghigugma
Ining dughan ang nakunyag
Sang mabatian ang ginpabutyag
Apang ako ang nagaduha duha
Kung uyatan ko ning gugma- gugma
Kay basi mag- agay naman ining luha
Magisi naman anng panyo sa akon pagpuga
Pila na ka nobena ang akon ginbuy- an
Mangin malipayon lang sa gugma nga natungdan
Apang sa guihapon masami nga gakasakitan
Ginakumos, ginahampangan ning dughan nga balaan
Paano masayran ang tampad nga gugma
Ini bala kun mag- untat ang tiyog sang duta
Ang pagpitik sang dughan nga nagamartsa
Ukon palamula kung siya ang akon makita
Kung indi gid man ako magmadinalag-on
Sa mga pulong nahanungod sa taguiposoon
Kabay pa nga mnagin malipayon
Kung ako gid man mangin isa ka la-on.
No comments:
Post a Comment