Pagkamaestra, isa ka mabudlay nga propesyon
Bangud ikaw ang nagasab- og sang edukasyon
Kag kung ikaw ang nagaobra sa pribado nga institusyon
No work, no pay ang nahauna nga regulasyon
Gani bisan amu sini kapaang sa subong nga panahon
Bisan pa tion sang pahuway ining bakasyon
Kami ang magabalik agud magsige pa hatag sang leksyon
Bangud sang summer kag remedial sining pabaya nga mga pamatan- on.
Hindi bala kita ang may lapnag na nga hurubaton
Pamatan- on ang paglaum sining nasyon
Nga makapabulig patib- ong sining aton sitwasyon
Sila ang yabi agud magsulhay ang kabuhi sang Pilipinhon.
Apang kung aton igabase sa ila paminatasan
Ilabi na sa mga kabataan nga mga manggaran
Nagasalig kay may kwarta ang mga ginikanan
Kung mafailure gid man kuno ila lang kuno summeran kag remedialan
Mga pinalangga ko nga mga kabataan
Ano na inang mga prinsipyo nga ginahuptan?
Samtang nagamoderno ang ginakahimtangan
Ang edukasyon inyo man ginapatumbayaan.
Ibutang ta nga mga manggaranon kamu sa subong
Apang magapabilin bala ina sa pagdalagan sang panahon?
Ano na lang ang matabo sa inyo nga mga puturo
Kung puro counterstrike kag facebook ang unod sang inyo nga ulo?
indi sa tanan nga oras maswerte kita mga pinalangga
bangud si darna gakinanglan sang bato agud malupig si Valentina
Si Volta gakinahanglan sang kuryente agud malupig si Celfora
Apang kita, edukasyon ang igabato ta sa mga pagtilaw nga aton masugata
Ang gahum sang mga superhero pwede pa ini nga kawaton
Apang ang edukasyon mapabilin tubtob sa aton kamatayon
Indi gid ini makawat sang bisan sin-o nga hurong o manggaranon
Bisan pa ang imu nga ulo ila pagabuk-on
Gani sa mga makabati nga mga pamatan-un sa sining panalambiton
Kabay mapamangkot ninyo ang inyo nga mga kaugalingon
Kung kamu bala isa ka pamatan-on nga paglaum sang aton nasyon
Ukon sa palaabuton mangin isa man ka palaligban nga alatubangon.
No comments:
Post a Comment